Møtestad Morgedal ynskjer alle velkomne til Morgedal 5.oktober. God mat, quiz, sykkelløp, byttedag for sportsutstyr og ope museum er litt av det du kan oppleve.
Laurdag 5. oktober 2019 er det klart for haustfest i Morgedal. COOP Morgedal kan tilby smaksprøver, Norsk Skieventyr har gratis inngang m/skattejakt for barn og sal av sveler. På Morgedal hotell er det viltgryte på dagen og på kvelden er det buffé og quiz med David Asprusten.
Morgedal IL arrangerar sykkelløp for barn og vaksne kl. 14.00. Her er det ulike løyper tilpassa alder, form og ynskje. Syklinga vil skje på publikumsvenlege løyper på asfalt, grus og i terrenget. Start og mål ved gapahuken i hotellbakken. Premiering for barna er blant anna ein råtøff sykkel som blir trekt på startnummer. I tillegg er det masse andre fine trekkepremiar. Gratis for medlemmer av MIL, kr. 50,- for andre.
Har du ski eller anna sportsutstyr som du ikkje brukar lengre? Ta det med, kanskje det er nokon andre som vil ha det.
Måltrosten 4H sel pylser og hamburgerar i gagahuken.
Program:
Kl. 11.00: Norsk Skieventyr opnar dørene. Gratis smaksprøver på COOP Morgedal.
Kl. 12.00 – 14.00: Ski- og sportsutstyrsbytte. Møt ved gapahuken.
Kl. 14.00 – 15.00: Sykkelløp. Påmelding frå kl. 13.00.
Kl. 14.00: Morgedal hotell serverar viltgryte fram til kl. 17.00
Kl. 19.00: Buffé på Morgedal hotell
Kl. 20:30: Quiz på Morgedal hotell m/David Asprusten
