Morgedal Classic

Denne løypa er fyrst og fremst designa med tanke på dei som har lyst til å prøve multisport for fyrste gang, for barn og ungdom eller for den som ynskjer å teste seg sjølv.

Morgedal Classic – 1.8 km padling – 10 km sykling – 3 km løp

Dette er ei kortare  løype, ofte nemnt som sprint for dei som er kjent med multisport frå  før. I denne løypa kan du enten spurte eller ta det med ro, det viktigaste er at du kjem og prøvar deg. Denne løypa er like bra for dei som starter individuelt som dei som stiller lag (ein kan vera  2 eller 3 deltakerar på eit lag).

Kart Morgedal Classic
Kart Morgedal Classic

Padling

Start og mål er på Morgedal camping. Det padlast tvers over vatnet, rundt bøyer  og tilbake til stranda på Morgedal camping. Her er vekslingsområdet til terrengsykling.

Det er påbode med redningsvest under padlinga. Padlinga skjer på eit forholdsvis lite vatn.  Det vil vera ein fylgjebåt på vatnet – sikkerheten er  høg slik at flest mogeleg skal kunne bli med på dette utan å vera bekymra om kajakken skulle kantre. Det er mogeleg å vera med på kajakktrening fredag kl. 19.00.  for dei som ynskjer instruksjon.

Sykling

Det meste av syklinga skjer på «gamlevegen» i Morgedal som er asfaltert, men det er også seksjonar med grusveg og sti. Det er med andre ord nødvendig med ein terrengsykkel  på sykkeletappen. Løypa skjer i eit lett kupera terreng, men det er ein stigning på grusveg samt en nedoverkøyring på ein sti. Dette er den einaste tekniske køyringa  under denne løypa, og nokon vil kanskje å trille sykkelen gjennom dette området.

Sykkelhjelm og bremser som fungerer både framme og bak er påbode  under syklinga.

Høgdeprofil Morgedal Classic sykkel
Høgdeprofil Morgedal Classic sykkel

Løping

Løping etter padling og sykling er aldri heilt lett, så dette blir for mange den hardaste etappen. Etter nokon hundre meter løp på grus, treff du naturstien og løper inn i skogen. Det er morosam løping her oppe, men du må være konsentrert slik at du unngår hindringer som røtar, steinar, glatt mose osv.
Vær obs på at løypa kan være veldig glatt om det har vore vått vær i forkant. Når du kjem til campingplassen løper du ned til vatnet og tilbake til Norsk Skieventyr der målstreken er. Det er ca. 700 m på asfaltert veg som skal løpast før du er i mål.  Det anbefalast  å ha gode sko med godt feste til løpingen oppe i skogen.

Høgdeprofil Morgedal Classic løp
Høgdeprofil Morgedal Classic løp

Oppsummering

Dette er en flott mogelegheit for fyrste gong  multisportere og det er ein konkurranse for folk flest som gje nok utfordring og spenning om man gjer alt.

Lykke til som ny multisporter, det kjem heilt sikkert til å bli ein morosam og erfaringsrik oppleving!